نكات متفرقة...7

سألو جلال الطلباني ليش الزرافه رقبتها طويله ؟؟؟؟؟؟؟ كال لان راسها بعيد
----------------------------------------------------------
خمس مصالوة غاصو بالمي كالو اليطلع الاول عليه العشا كلهم ماتوا
-------------------------------------------------------------
حشاش راح يعزي أهل واحد، فقال لأهله: شنو جان يشتغل المرحوم قالوله حفار قبور. قال المحشش ايبااااا صدك من حفر حفرة لاخيه وقع فيها
--------------------------------------------------------------
فد طفل غبي قام يبكي ويضرب راسه بالحايط واجاه ابوه، قاله بابا اشبيك تعوي؟ كله بابا اذا كبرو اصدقائي ويامن العب؟
--------------------------------------------------------------
ياباني
وعراقي باليابان ....الياباني حفر وبنص ساعه طلّع واير قديم من الارض،
قاله للعراقي: شوف اجدادي من زمان يستعملون التلفون .....العراقي رجع الى
بغداد، ظل يحفر 3 ايام، كلشي مطلع، كام خابر الياباني قالهُ: شوف اجدادي من
زمان يستعملون الموبايل.

----------------------------------------------------------
كردي كاعد من النوم كال حلمت فات بسمار برجلي ، كله صديقه صوجك ليش نايم حافي
---------------------------------------------------------------
كردي ودليمي لعبوا ختيلة. من سنة 1980 ولي هسه مفقوديــــــن.
--------------------------------------------------------------
ضابط بالجيش ديصبغ حذاءه يم واحد كردي، كله شلون شغلك اليوم ابني؟ الكردي كال: سيدي ووداعتك كله نعل بس انته قندره

-----------------------------------------------------------------

كردي بالامن لزم ارهابي.... واكع بيه دك بالصونــدة ويكله: ولك اعترف... جم مرة مفجر نفسك؟؟؟؟

 
-----------------------------------

شيخ عشيرة قال لأهل عشيرته بيكم كثير أغبياء وزادت علينا النكت ولازم أصفيهم راح أسأل الجميع واللي ما يعرف يجاوب راح نتخلص منه .
سأل الأول : 3+5 شكد؟؟ فقال = 8 فقام كل أهل العشيرة يصيحون انطيه فرصة ثانية شيخنا


------------ --------- --------- --------- --------- --------

- قروي تزوج حضريه... الصبح گللتله: صباح الخير حبيبي.. گال : الله ينعل ابو الانگليزي

------------ --------- --------- --------- --------- --------

- وحده شافت زوجها يقرأ كتاب (الرجل سيد المنزل)-كالتله اشكد اتحب القصص الخيالية

------------ --------- --------- --------- --------- ---------

-
مرة اردني لقى المصباح السحري كاله : بدي اطلب منك طلب بدي تطلع كل
العراقيين من الاردن كاله المارد : ليش يمعود رحمة على بيك شمسوين احنة

------------ --------- --------- --------- --------- --------- ----

-
بنت راحت للسيد وقالت له سيدنا شنو عقاب بنت تبوس حبيبها قال السيد
تروح لجهنم و قالت واذا تبوس السيد قال الها ها كلاوجيه تريدين تروحيين
للجنه

------------ --------- --------- --------- --------- --------- ----

- واحد متدين امة سالتة شلون تريدها العروستك ؟ قال' اريدها و العياذ بالله و العياذ بالله تشبه اليسا

------------ --------- --------- --------- --------- --------- ----

احتفظ دائما بصورة زوجتك في محفظتك وكل ما مريت بمصيبه طلعها واتمعن بيها حتى تتذكر عندك مصيبه اكبر من كل المصايب

------------ --------- --------- --------- --------- --------- ----

- ماهو اسرع كائن حي بالكرة الارضية؟؟؟؟؟؟؟؟؟؟مصلاوي معزوم على غدة

------------ --------- --------- --------- --------- --------- ----

- المالكي ماخذ جلال الطالباني ويفتر بيه على مكاتب الموبابيلات ليش؟ حتى يعربه

------------ --------- --------- --------- --------- --------- ----

مره وحده قالت الى زوجها خلينا نروح الى الحديقة العامة ونسترجع
ايام الخطوبه وبعد ان راحو اجت الشرطة ومسكتهم الزوج صار يتوسل بالشرطي
فقال له الشرطي اوكي هذه المره انته سماح بس هذي بنت الملعون صار 12 مره
نگمشها.

------------ --------- --------- --------- --------- --------- ----

· يوم واحد راح للدكتور كله دكتور خشمي مسدود كله اي ادخل بالفروع

------------ --------- --------- --------- --------- ---------- ---

· واحد رجع من هولندا صديقة كلة شلونهة هولندا؟ كلة يمعود المزارع هناكة تخبل بس يعجبك تصير طلي

------------ --------- --------- --------- --------- -------- -----
· مصلاوي حط فلوسة بالبنك فكل يوم بالليل يجي يدكَ طبل ، ليش؟؟ حتى لينام الحارس ...

------------ --------- --------- --------- --------- -------- -----

· صرصور يركض ورة سيارة المجاري كالوله خير خو ماكو شي كاللهم منعول الوالدين شفط الاهل وطلع كبل

------------ --------- --------- --------- --------- ------ -------
دكتورگال لمريض: مع الأسف ماباقيلك غير عشرة وتموت.. گاله المريض:
عشرة شنو؟؟ أيام.. أسابيع شهور ؟؟ رد عليه الطبيب : تسعه....ثمانية....
سبعة