أيــــام زمـــــان - من الفولكلور العراقي.....داده حسن 6




داده حسن 
كلمات : من التراث العراقي
اداء :الفنانة انوار عبدالوهاب
ألحان: محمد جواد اموري



لا أُم تحن لبچـاي ..لاخاله ويايّ. داده حسن، لاخاله ويايّ 
كل الوجوه اثگال من يگبل اهواي
داده حسن ، من يگبل اهواي
حيل وبعد وياه هاذي الردتها داده حسن ، هاذي اللي ردتها.
مو گالت الشمات ماحسبتها
داده حسن ما حسبتها
متعجب ابدنياك غثتك فـَدْ يوم داده حسن
ان خلتني دنياي وك خلتني ما گوم...
لاگلت هذا اهواي لا الله خفتهَ داده حسن ،لا الله خفته 
والگلب عندك ضيف عفته وتلفته داده حسن ،عفته وتلفته



داده تعني الاخت الاخت الكبيرة وهي كلمة تستعمل عموما في العراق
و تنتشر في العراق اطلاق الصفات العكسية مثل الاب يقول لابنائه كلمة ( بابة )
او الام تقول لابنائها ( مامة ) وهو اسلوب يتصف بالحنان و الدفئ.
و يمكن ان تقول الاخت داده لاخوها ..
وكلمة داد أرامية وتعني عم أما الفتحة بالأخر(ه) وهي الفتحة الارامية كما تكتب وتلفظ فتصبح الكلمةداده أي عمي وهي تستعمل للاحترام عند مخاطبة الرجل اي مثل معنى كلمة كاكه عند الاكراد. 
كلمة داده تستخدم مجازا لمخاطبة الحبيب او الحبيبة وهي هذه الحالة تكون اقرب التدليل او التودد وغالبا تستخدم للعتب و اللوم بشكل لطيف دون التجريح .. و الخطاب هنا بين حبيبه و حبيبها وليس بين اخت واخواها ..
ففي العراق تاخذ الكلمات ابعادا اكثر من المفهوم الخاص بتلك الكلمة .. وهذا موجود في كثير من الدول العربية ففي مصر مثلا تسمع المرأة تخاطب المقابل بقولها .. وحياتك يا خويه او والنبي يا خويه او بص يا خويه .. وهي في جميع هذه الحالات انما تخاطب زوجها او حبيبها و ليس اخوها 
.. و تذكير كلمة داده هي داد كما في اغنية
داد ولك داد الحان و غناء الفنان العراقي الكبير رضا علي . 



0 comments:

Blog Tips
Blog Tips
2009@ سوالف عراقية

اشترك معنا في سوالف عراقية