ثلاث تفاحات غيرت العالم

من بلا فساد فليرم الآخرين بالحجارة
برز بالفترة الأخيرة حرب فتح ملفات الفساد ...
قال مراسل الجزيرة: ثلاثة تفاحات غيرت وجه العالم , تفاحة ادم التي أخرجته من الجنة ,وتفاحة نيوتن التي اكتشف قانون الجاذبية الأرضية , وتفاحة ستيف جوبز المدير التنفيذي لشركة ابل ومخترع الايفون والايباد وووو......الخ
اختراعات كان لها تأثير ايجابي في حياة البشرية
و ستيف من أب سوري ((حمصي))  وأم أمريكية
تصور انهو  أبو ستيف ما مسافر جان هسه ستيف إما شهيد أو معتقل في السجون السورية  وحُرمت البشرية  من كل هذه الاختراعات..... ألف الحمد لله والشكر.... الله ألهم أبو ستيف على مود يهاجر
كُبل  تذكرت صديقي نمير..الله يذكره بالخير ... نمير كان صديقي ايام الابتدائية وشريكي في المقعد الدراسي في احدى مدارس بغداد الجديدة .
كان مستوى الكسل عد نمير غير طبيعي , والأستاذ كان يتفنن بضربه
أتذكر فد يوم كَال الأستاذ لنمير كوم و اكتب رقم ((5))...!!!!
نمير كالعادة ما عرف  ,كام الأستاذ وضربه حيل.... عصي على  أيده وبسط وكفخ وجلاليق ......
حرامات موتو من الكتل , جنا نعيش إرهاب حقيقي  بالصف  ، المعلمين  كانوا يتسابقون و يتباهون بضربنا....... اي ولله.
المهم...... بعد أسبوع طلب الأستاذ من نمير يكتب ((رقم 20 ))
نمير كُبل صار يحرك أيده  لتلقي الضرب، واخذ وضعية دفاعية للبسط والكفخ .....!!!!
ادري يا أستاذ......  اذا رقم 5 مايكدر يكتب...... فشلون ...20 ....!!!!؟؟؟؟
صار نمير يدور على طريقة تقلل من آلام العصي..... يوم يدهن زيت زينتون ويوم دهن ويوم ركي ......كل يوم اختراع جديد
هاجر نمير ويه اهله الى استرالية  وسمعت انهُ هسه  ده يقدم رسالة الماجستير .... !!!
هم زين هاجر ابو نمير يعني لو بالجنوب جان هسه مثل الجهاز مال التلفزيون بايد المرجعية  ياكل بامر من المرجعية يحلل ويحرم ويلطم ويكره ويحب، حتى النوم ويه زوجته ينرادلها أمر من المرجعية
لو ببغداد اذا جان حضه زين مو طايح مثل كل العراقيين يعني اذا  الله نجاه من جيش المهدي و إرهاب القاعدة و كواتم المالكي جان هسه مُهجر اما باربيل او بالسليمانية عند  البرزاني ....وعند عمو أبو سرور نا يعني نا
يعني من يفتح حلكه ......  يسده بطلاقات المسدسات مثل سردشت عثمان
ادري شيسوي الشعب يهاجر ....!!!!  منو تحكمون يا مسؤولين ... ....!!!؟؟؟.شنو الحل.......!!!؟؟؟ ...
لقد قالها الماغوط و أقولها بالطريقة العراقية
استحلفكم بالله وعيسى وموسى و محمد وعلي والحسن والحسين وما تبقى من شعب وأطفال وأشجار نخيل و دجلة والفرات .....استحلفكم بحضارة ما بين النهرين بأشور وأكد و سركون وكلكامش  و عشتار ...استحلفكم بدم الشهداء بكل عزيز فدى هذه الأرض
لقد جربتم الإرهاب والديكتاتورية كما فعل أسلافكم و لسنين وقروناً طويلة وها أنتم ترون إلى أين أودى بشعوبكم!!
جربوا الحرية يوماً واحداً لتروا كم العراق عظيم

سركون يوحنا

منقووووووووووووووووووول